黎耀祥、鄧萃雯前晚夾份請客，筵開七席請《巾幗梟雄》台前幕後工作人員食飯，就連祥仔太太都有到場，雖然祥仔及雯女傳出緋聞，但三人就有傾有講，絕無芥蒂，祥仔謂︰「呢啲嘢濕濕碎，我幾十年功力，證明我哋仲有吸引力，觀眾亦知發生乜嘢事。」
講性史核突
而雯女坦言與祥仔太太碰頭沒尷尬，她說︰「都估到啲緋聞會陸續有嚟！清者自清，男同女都可以有朋友關係。（會否避忌啲？）唔會為呢啲嘢作出改變。」說到有雜誌大談祥仔夫婦「性史」，雯女說︰「都覺得好核突，佢哋都係好人，點解要傷害佢哋。」
飯局期間，高層曾勵珍問祥仔奪視帝後興奮完未？他笑言︰「成日開工，邊有得興奮咁多呀！」事後卻被珍姐笑他居然埋怨工作多。
唔坐地起價
此外，問雯女接工作會否如祥仔一樣「加價」，她坦言要問經理人，自己不會坐地起價，但客戶自動調校當然開心。她又謂︰「唔好成日講加唔加價，我覺得依家有關心社會嘅責任，好似關心全球暖化問題咁！」
文：影視組