日本時裝雜誌《CanCam》模特兒兼蛯原友里師妹阪井步美日前訪港，由模特兒「升呢」為「聲模」的步美來年將會在香港推出唱片，問她為何突然進軍樂壇，她說：「上年夏天同日本經理人開會，佢哋問我有冇興趣做歌手，我就梗係想做啦，因為咩都想試吓，所以二月就出咗第一隻single，出年仲會喺香港出大碟添！」

步美首次來港工作，大讚香港多美食！

步美相信baby在日本發展定能創造好成績。

讚港人熱情

自言希望走多元化路線的步美，表示不想固定自己的歌路，所以會作更多不同嘗試，被問為何選擇在香港發展時，她說：「因為我覺得香港人好熱情，有種好特別嘅感覺，而且充滿時代感，係一個好好嘅地方。」

近年不少本地模特兒都進軍日本發展，好像已簽約唱片公司avex的潮模Angelababy，步美表示未見過baby，但就大讚對方靚女：「佢真係好可愛，但係我未見過佢，（佢去日本發展喎?）真係？咁佢一定會好受歡迎。」

文：專案組 攝：馬永堅