藝員江美儀向來喜歡寵物，家中養了一隻愛犬「冬冬」，不少狗狗喜歡搞破壞，美儀又喜愛畫畫，問她「冬冬」可曾咬爛其畫作？美儀說：「無，冬冬好乖，由養佢第一日到依家，都無試過整爛屋企啲嘢，我喺天台畫畫嘅時候，佢仲會眼甘甘咁睇住，反而試過屙尿落我啲嘢度，所以，我從來唔會將手袋放喺地下。」
最近天氣轉冷，美儀替「冬冬」換了一張從日本買回來的床仔，她說：「佢好鍾意，因為墊好厚同配咗張好厚嘅被，佢一捐入去就唔肯返出嚟，瞓得好舒服。」
美儀還打算帶「冬冬」去旅行，她說：「之前見過朋友一次過帶四隻大狗去日本旅行，令我覺得凡事只要肯做就得，下次去旅行我都會帶埋冬冬去，等我可以同佢一齊玩。」
