11/12/2009

播放本新聞相關短片

戚黛黛遊日晚節不保

戚黛黛早前到日本旅行，第一站先到著名溫泉區箱根，原來黛黛今次是首次浸日本的傳統溫泉，一絲不掛令她大感尷尬，她說：「唔着衫感覺好奇怪，就算我哋幾個女仔朋友都覺得尷尬。最搞笑係去到溫泉裏面，見到個『男人』，大家都嚇一跳，睇真啲原來係阿婆嚟嘅。」以前讀國際學校的黛黛其後到東京探望舊同學，她笑說：「啲同學出嚟都係一家大細，大部分唔只結咗婚，仲做埋父母，自己都要檢討吓，點解仲未搵到另一半。」原本黛黛此行拒絕shopping，但臨走前還是抵不了引誘，最後衝刺花了萬多港元。
戚黛黛到東京探望舊同學，舊友不少已經成家立室。
  • 戚黛黛到東京探望舊同學，舊友不少已經成家立室。