韓國「四指鋼琴家」李喜芽及本地「三指鋼琴家」黃愛恩昨日出席「奧海城琴牽我心」慈善鋼琴馬拉松籌款活動，為四川地震災民籌募手術費。李喜芽表示在芸芸眾星中獨愛黎明，亦知道他已與樂基兒結婚，她說：「我好鍾意黎明，十歲時睇咗佢同張曼玉做嘅《甜蜜蜜》開始鍾意。佢個樣係我理想男人嘅類型，不過我未見過佢真人，好希望可以同佢合唱《月亮代表我的心》，亦想為佢伴奏。」

黎明被李喜芽視為理想男人。 （資料圖片）

蘇蔡潔蓮頒發獎狀給韓國鋼琴家李喜芽。

撮合演出

信和物業管理有限公司商場推廣總經理蘇蔡潔蓮得悉李喜芽喜歡黎明，即時幫她找黎明的簽名，希望有機會撮合他們合作演出。

另外，蘇蔡潔蓮表示張敬軒及梁漢文亦會參與演出：「軒仔將會喺星期日（十二月十三日）同本地失明鋼琴家李軒合作，而梁漢文會做二十日嘅閉幕禮嘉賓。好多謝『梅艷芳四海一心慈善基金』捐出十萬元，二十萬元嘅目標善款應可達到。」

文：專案組