廖碧兒昨日到海港城出席《Oregon Scientific點亮Smart Living生活概念》記者會，身穿低胸Tube Dress的她自爆近日喜事重重：「家姐預產期喺聖誕前後，細佬又會喺加拿大補擺喜酒，我呢輪忙煲薑醋，阿媽冇催我快啲嫁，我有七隻狗吖嘛！」
陳豪早前曾對外表示會送DIY手鏈給碧兒，但碧兒就說：「冇收到喎，收咗先諗回咩禮，不過廿一世紀仲有男仔肯花心機串條手鏈都算好，就算冇收到都開心。我之前都DIY咗一批水杯送畀《72家租客》嘅同片演員。（有冇約陳豪過聖誕？）Boxing Day我就要出埠，好希望可以睇到家姐BB出世至上機。」
