羅嘉良與未婚妻蘇岩於十月展開蜜月之旅前，應邀到有「鑽石之都」之稱的荷蘭首都阿姆斯特丹拍攝婚紗相，相片構思出於夫婦之愛，猶如這個國家之名「鑽石」一樣永恒，不過嘉良卻未有「切合」這個需求狂買鑽石，反而夫婦二人跑去掃家品，慳家最實際。
明日是嘉良與蘇岩的結婚大喜日子，二人於北京豪擺喜酒，之後便再返老婆家鄉濟南宴請鄉親父老，嘉良更會於當地順道慶祝他四十七歲生日，小休數天便要繼續為內地劇《孔子》開工。
浪漫又童真
早在十月，嘉良與蘇岩編定歐洲之旅作為二人的蜜月行程，包括：德國、法國等地，而荷蘭則是蜜月之旅前的熱身。因為拍攝這輯婚紗相，是由內地一本雜誌安排前往荷蘭取景，二人更在景點風車前踩單車，既浪漫又有童真。
嘉良稱今次拍攝約一星期，每日只拍二、三小時，所以有足夠時間休息。他說：「其實我同老婆都好鍾意歐洲嗰種古典味道，所以我哋揀咗呢個地方，原來荷蘭有『鑽石之都』之名嗎？我都唔知，我哋冇買鑽石，反而買咗好多家品，之後再去法國、德國又買，所以行李都超晒重。」
怕老婆冷親
九、十月的荷蘭，天氣溫度適中，嘉良笑稱老婆穿婚紗都未致於冷親。他說：「婚紗始終少布，雖然唔太性感，但露肩又露手臂，都凍嘛，我就好隨意，有啲禮服我都冇打呔，因為我覺得今次好輕鬆，我哋係真心，唔使搞乜嘢花款，雖然兩個都係演員，拍過唔少次結婚場面，但我哋今次為自己結婚而着婚紗，感覺好自然，亦冇緊張心情。」
文：影視組