昨午四時許，栢芝帶着囝囝Lucas與姐姐戴碧芝母女往灣仔演藝學院欣賞馬戲嘉年華，Lucas由頭到腳穿上卡通公仔Thomas的服飾，同場還撞見剛榮升金馬影帝的張家輝與囡囡及黃家強一家三口齊齊睇騷。約個多小時完場後，栢芝即拖着Lucas離開，由於散場時人多擠迫，栢芝全程小心翼翼，隨行工人負責開路。

放大圖片	Lucas褲頭鬆兼「火車未到站」，非常可愛。

未知仔定女

本報記者上前與栢芝做訪問時，發現其手上戴着一隻約有五卡重的巨鑽。心情極佳的栢芝更首度開腔分享再度懷孕喜悅：「預產期會遲啲再公布，雖然已經去照過，但暫時仲未知仔定女。」問到老公謝霆鋒可有送禮物獎勵時，她即甜絲絲指着囝囝Lucas說：「唔使獎勵，生咗出嚟已經係獎勵。」一副有老公愛錫已經很幸福的樣子。

之後栢芝乘坐拉姑名下七人車離開，在跑馬地放低友人後，即再往福臨門會合奶奶共進晚膳。期間七人車泊正鍾鎮濤座駕隔籬，鍾鎮濤即恭喜栢芝再有喜。

拉姑對新抱懷孕表現緊張，連Lucas手提的箱仔也搶住拎，驚栢芝辛苦。	張家輝（左）單拖做湊女公，囡囡全程黐實父親，與朋友寒暄亦要抱抱。	昨日黃家強與日籍太太Makiko帶囝囝到灣仔睇騷。

拉姑錫到燶

直至晚上八時許，拉姑伴着栢芝步出酒樓門口離開時，表現得愛護有加。問拉姑想再抱男孫定女孫？她即笑不攏嘴地說：「仔女都冇所謂。（龍鳳胎好唔好？）梗係好，最好愈多愈好。」

文：追蹤組