Bosco、祖藍等昨為農曆大年初二至初七播映的新劇《情人眼裡高一D》（暫名）試造型，劇情描述「醜男」祖藍會變身成「俊男」Bosco飾演的「廑力信」，與子珊的「謝安腓」發展感情，而小儀的「荊止高」亦會變成「美女」苟芸慧的「楊仙華」，劇情與日本電影《反轉豬腩是王子》雷同之餘又將「Kay臣（Eason）」的緋聞擺上枱，大玩特玩，只為令觀眾在農曆新年假期看得開心。

祖藍扮豬食老虎

劇中與子珊及小儀有咀戲的Bosco，笑言兩個都正，問到是否緋聞女友胡杏兒更啱嘴形？他說：「個個都有唔同嘴形。（咀杏兒最多？）都算嘅，拍戲啫。」咀女不少的Bosco，卻直指祖藍最受女同事歡迎，經常被女仔圍住傾偈，可謂「扮豬食老虎」。祖藍為了扮醜，在眼皮黐上膠紙變成一對睡眼，對被Bosco指他受女同事歡迎，祖藍說：「邊有呀，可能佢冇得恨啦！」他笑言望明年有緋聞：「我同Bosco傾偈，發覺深入民心嘅緋聞有助搵錢，或者今次睇吓同子珊、苟芸慧做吓啦。」

Eason個唱超爆

此外，Eason的演唱會鐵定明年3月21日至26日假紅館舉行，雖然消息尚未公布，但贊助商及主辦單位的內部認購已經爆滿。

陳奕迅的演唱會海報。

謝安琪：Eason，即係明玩我哋啫！（設計對白／資料圖片）

文：影視組