心姐貴為「最佳女配角」頂頭大熱，為出戰本周五的頒獎禮當然不容有失，而其女兒珈潁，亦興奮得要為媽咪扮靚靚作準備。日前珈潁先帶媽咪美甲，又奉上潤喉補品「愛心烏梅茶」，計劃相當周詳，珈潁說：「呢個茶係媽咪教我煲，我煲咗四十五分鐘，其實我平日都唔識㗎，但見媽咪近日好忙，又知佢忙得開心，我都戥佢開心，所以，我幫媽咪諗定，點樣令到佢喺頒獎禮當晚，以最靚一面示人，美甲表面好似唔顯眼，但捧住獎座時，有靚靚指甲襯托先最完美。」
心姐就直言對能否奪獎抱平常心，在收到無綫通知她入圍角逐「女配角」的信件時，已開心得如獲至寶，甚至認為是「贏咗」。心姐說：「我開心到將封信放喺床頭櫃，當係贏咗啦！」
場地提供：FINGER CROSS NAIL ART 攝影：馬永堅