菊姐、米雪、Mary姐和心姐憑精湛演技，齊齊成為「最佳女配角」獎大熱人選。獎項只得一個，不過她們識英雄重英雄，互相表示欣賞，更異口同聲表示渴望《宮心計》能奪「最佳劇集」獎，以鼓勵劇中所有演員付出的努力，實行皆大歡喜。

太皇太后贏民心

兩名頂頭大熱菊姐及心姐對於奪「女配角」獎雖表示有信心，但認為無論獎項由誰所得，也是實至名歸。當中心姐表示：「太皇太后死咗，網上有好多人追悼，得到觀眾支持感覺已經係贏咗。」

菊姐就說：「如果你叫我揀邊個係『女配角』，個個都咁好，我都揀唔落手。心姐嘅太皇太后氣燄十足，Mary姐演太后經常畀人蝦又恰到好處，米雪古裝造型又維肖維妙，所以得獎與否都冇所謂，反而最希望攞『最佳劇集獎』，咁即係個個都得獎。」

Mary姐覺對手強

去年的視后米雪，亦表示今年最希望攞「最佳劇集」獎，表揚《宮心計》中的其他演員，如李麗麗、李國麟、蔣志光、張國強等可謂上下一心。至於Mary姐就直言對手太強冇信心攞獎，她謂：「心姐、菊姐、米雪，個個實力都唔係配角，可以同佢哋成為大熱人選，已經好開心。雖然獎項係一個鼓勵，不過做演員唔係要爭獎，而係要努力磨合，令劇集更加精彩。」

文：影視組