Niki表示將來為BB剪臍帶的重任，要未來老公代勞：「應該係老公剪，自己堅持要順產，但又怕痛，可能都係開刀，所以佢唔可以怕血，怕就唔合格喇。」Niki笑言勸追求者好好考慮，但她就拒選婦產科醫生當老公，她說：「唔好啦，婦產科醫生見慣晒，咁我同病人咪冇分別。（向官恩娜取經識醫生男友？）隨緣啦，自己搵，咩年代呀？唔使介紹喇！」

感情如意

工作繁忙的Niki透露剛接拍虎年第一個廣告，現在除了忙於籌備新碟外，更考慮重返影圈：「公司可能開戲，亦物色緊劇本，始終自己拍戲出身，唔剪臍帶住，亦唔好剪斷我條事業線。」

揚言暫以事業為重的Niki，最近頻頻到不同地方出席活動，相當滿足，所以亦不求放假，問她是否事業得意、感情失意？Niki說：「都唔係，感情一路都好好，因為感情包括親情、友情，仲有fans，真命天子唔緊要啦，睇緣分啦，可能走寶都唔知。」