謝霆鋒近期忙於搵奶粉錢，為太太張栢芝第二胎作好準備，奈何霆鋒經常不在港，令大肚婆栢芝有點微言，雖然BB於明年才出世，但早已入紙「申請」，嚴禁霆鋒於其待產期間出埠。
霆鋒、徐熙媛（大S）、Angelababy昨日出席電影《全城熱戀熱辣辣》記者會，而該片亦同時段於北京舉行發布會，並派出徐若瑄、吳彥祖、詩雅等亮相，大會安排兩地演員作視像對話，沒料到畫面效果甚差，就連演員們的樣子亦看不清，霆鋒見狀即抵死地說：「不如我打畀你哋好過啦！」在旁演員們聞言忍俊不禁。
成身油似臘鴨
於片中演情侶的霆鋒與大S，不約而同笑指導演為配合片中熱辣辣主題，拍攝時全身均要搽油，霆鋒更自嘲如臘鴨。談到近期密密接戲，豈不是沒有時間陪太太？霆鋒謂：「佢都佗得OK，情緒冇問題，差個幾星期就知BB性別，（冇投訴咩？）有個仔陪佢嘛！不過佢問過我，拍完《新少林寺》之後點，又話之後接戲可唔可以喺香港拍囉！咁上次Lucas出世我都喺香港陪住佢。」談到張家輝奪金馬影帝，身為拍檔的霆鋒表示尚未恭喜對方，還笑指兩人相當隨意，不會刻意特別慶祝。
大S見柄就揸
而大S則以「痛苦」形容拍攝過程，因每天成身油，再加上汗水混合，感覺真的很恐怖。目前她忙於拍攝《劍雨江湖》，透露已拍了兩場打戲，不諳功夫的她首場已告受傷，大S說：「我跟武打演員對打，一個人打幾個，但兩個膝蓋都受傷，不過還是很過癮，現在每見到有柄的東西，我就會當它是劍來揮動練習。」
文：影視組