【吳靜嫻澳門直擊】舒淇昨晚自爆張震不喜歡她，令她十分委屈，二人的緋聞再度升溫，惟張震聞言後大驚，全晚黐實桂綸鎂，拒絕與舒淇影合照，舒淇無奈硬食檸檬。
昨晚舒淇擔任澳門Louis Vuitton旗艦店的剪綵嘉賓，真空穿着LV10春夏低胸露背連身短裙，身上佩戴約761萬港元的鑽石手鐲，美艷風騷的她，全程得LV主席YVES CARELLE傍住。
食檸檬受委屈
舒淇說知道張震會出席稍後酒會，期待「男友」出現期間，先開口表態與對方有發展機會，並直認恨拍拖，她說：「我哋成日都拍拖，係畀你哋寫到咁。（有冇發展可能？）梗係有啦，每一個未結婚嘅異性都有可能，Timing係幾時好難講，佢係我鍾意類型，我哋係好朋友，又有默契，佢又靚仔，又有才華，好符合我嘅條件。（不過佢好花心喎？）佢就係鍾意出面（圈外）嘅女仔，唔鍾意我，所以我好委屈。（佢單身喎？）佢成日都單身，得閒就單身。」她說與張震曾合作拍戲，戲中有過一段刻骨銘心的愛情故事。她稱對方不愛談緋聞，且一定反面。她又透露獲張父讚許。
拉桂綸鎂落水
張震到場後，從記者口中得知舒淇的愛的宣言，雖未反面，但表現驚訝，對父親指他與舒淇合襯，他即潑冷水說：「可能佢覺得啱，我覺得係朋友。我哋係朋友，識咗好耐，合作過好多次。佢又靚，又聰明，大家都係藝人，好多嘢可以傾，發展就唔知，我冇諗呢件事情。」
對於舒淇踢爆他喜歡圈外女仔，令她大受委屈時，他一頭霧水地說：「佢都鍾意好多男仔，其實鍾意人好正常。」其後，張震只肯站中間，與舒淇和桂綸鎂合照，但大會回覆緋聞男女拒絕合照。另外，Ana R.和姚予晴昨午在新旗艦店展示最新系列。