江若琳（Elanne）昨日出席活動，展示她親自設計的粉紅色bling bling Bear figurine，她說：「我最鍾意bling bling，試過將波鞋黐晒閃石，自己都想開間bling bling舖頭，不過未儲到錢。」
由於活動主題是be happy，Elanne覺得好有意義：「我今年開心好多，好多嘢睇得化咗，隨遇而安，朋友仲話我有《2012》後遺症，自己睇戲時由頭喊到尾，凌晨點幾返到屋企，即刻衝入父母房望住佢哋，如果真係得番兩年時間，點都要開開心心，不過有猶豫會唔會生ＢＢ，怕佢哋會面對世界末日就好慘。」
