君如、志偉去年曾以嘉賓身份互上對方節目，展示過「以彼之道，還施彼身」之道，但談到得獎把握，兩人均變得非常禮讓。君如表示：「我第一次角逐呢個獎，又意外又驚喜，冇諗過自己可以向主持方面發展。我離開咗TVB廿幾年，返到嚟可以做到一個咁成功嘅節目，真係要多謝監製、編導、拍檔（錢嘉樂）同埋所有嘉賓。（你被睇好可以贏志偉？）曾志偉嘅主持風格前無古人，後無來者，喺佢呢種級數面前，我係初級生咋！仲點敢講咩輸贏呀？」

曾志偉	曾志偉（前排右二）主持《獎門人》多年創意不斷，唯一不變的是拍檔錢嘉樂（後排左）。

錢嘉樂有獎落袋

對於君如大笠高帽，志偉笑說：「吳君如呢啲就係高級生嘅年齡，入嚟做初級生嘅嘢喇！我睇好君如，佢主持得好好，個節目好有新鮮感，內容好豐富，呢類節目要個主持夠八通街至好睇！（有冇信心攞獎？）平常心啦，我哋《獎門人》都係時候退位讓賢，其實我捧君如都係想錢嘉樂攞獎！」

無論志偉抑或君如勝出，錢嘉樂同樣有獎落袋，贏面一時無兩，但他說：「贏面同贏到係兩回事，《獎門人》做咗咁多年，贏到梗開心，《星星同學會》係今年新做，仲要係同吳君如第一次以呢種形式合作，攞到會更加興奮。」

文：影視組