恩愛到爆的丁子高及楊千嬅昨日再度「前後腳」同場，兩公婆出錢出力齊齊行善！兩人雖然未有合照，但不禁隔空打情罵俏，丁子高自爆老婆叫他「食蕉」，又指千嬅跑得慢，另邊廂的千嬅即甜到漏「鬧」對方：「離晒譜呀！」
昨日楊千嬅、丁子高、周渝民（仔仔）、黃曉明、鍾舒漫、孫耀威等人齊齊支持「聯合國兒童基金會慈善跑2009」活動，丁子高「出力」參加十公里賽事，太太千嬅「出錢」捐款及擔任頒獎嘉賓，兩人雖然同場不相見，但亦忍不住向對方「空中傳情」，羨煞旁人！
二人相距遠
丁子高笑謂去年千嬅跑馬拉松，今年自己為她接力，更自信地表示老婆到場是頒獎給他：「我每星期都有跑三次步。（唔叫千嬅早啲嚟打氣？）唔好啦，不過佢有叫我食條蕉先跑，我仲飲多杯奶添！（唔叫佢一齊跑？）費事啦，我同佢相差好遠。」他踢爆平日與千嬅跑步時，經常比他慢一小時。最後，丁子高以五十二分鐘完成賽事。
女掉頭追男
約九時才到場頒獎的千嬅，指前晚工作至凌晨，因此未有陪老公參賽，記者問她是否叫丁子高「食蕉」時，她驚訝地說：「你又知嘅？醫生話要㗎，唔係佢跑到腳軟咪大鑊？」記者指丁子高笑他們跑速差距大，千嬅即笑住鬧對方：「離晒譜呀！（差成個鐘喎！）佢再講誇啲呀！不過平日我哋跑千六米，有時都差成個圈，我要掉轉頭跑追番佢！」至於丁子高滿有自信表示，千嬅是來頒獎給他，她甜笑謂：「我都想！如果我攞女歌手獎係佢頒就好。」
此外，有傳仔仔罷拍《痞子英雄》電影版，仔仔解釋只因檔期問題：「原定是今年開拍的，但現在要明年四月才開，我的檔期已排到八月，所以才拍不到，所有的傳聞都只是媒體的炒作，用我來吸引讀者。」
文：音樂組