鄧麗欣（Stephy）昨日出席商場聖誕活動，同場有信和物業管理有限公司（商場推廣）總經理蘇蔡潔蓮。Stephy在場看到一班跳芭蕾舞小朋友，她大為艷羨笑說：「細個好恨學跳，因為覺得啲芭蕾舞衫好靚。」她坦言將來生女兒，也希望女兒學跳芭蕾舞為她圓願，又說：「安排吓佢哋學跳舞、鋼琴、畫畫，但我唔會逼佢哋，睇佢哋興趣。」她曾以指紋測試天分，得知自己有語言、彈琴、書法等天分，可惜她完全無學。
對於前晚傅穎出席音樂會卻沒有唱歌，有傳與金牌大風合約糾紛有關，Stephy說：「我唔知道，都可能係敏感時期，我知佢同公司嘅合約仲處理緊。」Stephy坦言本身跟金牌大風的合約早就傾妥，她說：「大家合作得開心，早就決定繼續合作。」