城城昨穿上晨曦明星隊的球衣上陣，參加「四角足球邀請賽」，為呼籲青少年勿濫藥出一分力。談到今屆台灣金馬獎塵埃落定，城城說：「入得圍嘅都係有實力，今次好特別有張家輝、黃渤雙影帝，一定係鬥得好激烈難分勝負，而李冰冰我幾年前合作過，睇到佢近年有突破，都替佢開心，請傳媒代我恭喜佢。」

至於其緋聞女友Lynn雖只是嘉賓，但以露出半球而搶盡風頭，問到城城可覺Lynn穿得靚？他不避嫌讚道：「超級名模係咁啦，冇辦法。（有冇問你意見？）着衫嘅嘢唔關我事，各人有自己品味。（介意佢性感？）愈性感愈好，我係以讀者身份去睇，其實密實有密實靚，名模着乜都靚。（佢畀人影到食煙？）呢啲我唔講喇。」昨日返港的Lynn若聽到城城這樣讚她，定必芳心大慰了。

熊黛林昨日返港，她表示前晚未有出席慶功宴，只跟助手出外消夜。

香港青少年毒禍嚴重，城城率晨曦明星足球隊齊齊宣揚禁毒訊息。

四出宣傳《風雲Ⅱ》

此外，城城今日會跟鄭伊健起程到星馬、北京、杭州等地為寰宇電影《風雲Ⅱ》宣傳，在七天內走訪八個地區，才返港出席下月七日的首映禮，城城、伊健笑言是「體力的考驗」。而蔡卓妍、謝霆鋒、唐嫣、任達華等演員亦會到不同站配合宣傳。

文：影視組