吳彥祖（Daniel）女友Lisa S.昨日帶同愛犬Renee參加「人狗同樂籌款日」，由山頂步行到蘭桂坊。Lisa S.表示家中有三隻狗女，笑言男友經常「被女圍」，又透露Renee與家中的老虎狗早前大打出手，把老虎狗的牙都打甩了。Lisa S.跟Daniel都很愛小動物，笑指若男友帶狗女回家絕無問題，但帶女回家就絕對不能。
對於男友失落今屆金馬獎影帝，Lisa S.表示兩人均沒有失望，能夠獲得提名已是一種榮譽：「佢都冇諗過會有提名，因為嗰部係細規模電影。我覺得有咁多演員，能夠成為影帝候選人之一已經好Wonderful，而且Daniel將來仲有好多機會攞獎，演戲可以演到六十幾歲，佢愈演得耐就愈會演得出色。」