第21屆十大傑出衣着人士頒獎典禮昨晚假The Mira Hong Kong舉行，十位得獎者到場接受獎項，其中最性感的是以Roberto Cavalli白色透視裙示人的榮雪梅，她說不知道服裝透視，在家照鏡時並不察覺，亦沒有走光。說到穿衣之道在乎舒服同有個人style，着衫不一定要名牌，最緊要mix & match。

全場論最有創意的，就是自行把西裝設計改款的阿Sa（蔡卓妍），扮得形格十足。

首次獲獎的阮經天直言得獎受寵若驚，平時的衣着十分隨意，更自爆常在網上買衫。問到是否怕出外購物會被偷拍，他說：「唔會，都係保持平常嘅生活，我好懶惰，呢個方式啱我，好方便，唔使出街揀。」

對於十大得獎者都是以女生居多，小天大賣口乖，說可親身見到她們很開心，至於最欣賞哪位女生？他說：「我蠻喜歡湯唯，我有睇《色，戒》，佢好大膽，可以喺鏡頭前演出呢啲場面，好厲害，需要勇氣同犧牲。（你會拍這些尺度大膽戲？）要睇劇本同導演，唔知遇唔遇到。」

蘇永康（左）、雷頌德向來扮靚都甚有心得。 蘇永康 服飾：Chanel 鏈：Ann Demeulemeester	榮雪梅身穿透視裙，明艷照人。 榮雪梅 服飾：Roberto Cavalli 手袋：Sergio Rossi	左起：陳嘉容、陳沛嘉盛裝而至。

跟玄彬合拍韓片

被小天大讚的湯唯，十分多謝對方：「我都好欣賞佢，頭先見佢着得casual都好有style同有型，如果有機會都想同佢合作！」她透露現為韓片《晚秋》作準備，更會跟玄彬合作。「唔需要學韓文，只係講英文同少少中文。（玄彬好靚仔？）佢好有性格。」

對於早前被傳拍拖，湯唯則否認道：「我仲係單身，同工作拍緊拖。（想拍拖？）每個女人最大願望都係家庭。（有咩擇偶條件？）每個女人都有好多，但最終遇到未必係之前所想。只要彼此可以溝通，同我一樣對世界有好奇心就可以。」

阿Sa所穿的領獎戰衣，購自網上，價值35英鎊。

林保怡 服飾：ＹＳＬ

阿Sa想出書分享

阿Sa自言一身服裝只花了35英鎊（約450港元）從網上購得，向來買衫不看品牌只看款式，「由細到大都好喜歡襯衫扮靚，仲好想出書同人分享，平時攞咁多獎，但攞衫嘅獎係首次，得獎係一個肯定。今日件西裝我都係自己諗咗個款再畀裁縫改。」

另外，同樣首次獲獎的林保怡以YSL服裝示人，直言開心興奮，對於曾合作的陳鴻烈離世，他以「突然」來形容，更言新劇《天與地》的拍攝拍得好舒服，更說記得與烈哥最後一次聚會是吃晚飯，「永遠都記得佢好開心嘅樣！」

傑出衣着人士得獎名單

徐濠縈、蔡卓妍、湯唯、蘇永康、陳浥萍、林保怡、榮雪梅、阮經天、王盛德、Bruce Rockowitz

文：名人組