本文重點
陳貝兒與Chita老友鬼鬼，兩人均表示飲食是人生重要一環，更和愛情有莫大關係，陳貝兒說：「拍拖好似兩面黃肉絲炒麵，要打鐵趁熱，調味嘅醋尤其重要，因為女人喺適當嘅時候要識得呷醋，唔需要成日扮大方。至於魚翅同碗仔翅係兩個人分甘同味，有錢食魚翅，手緊食碗仔翅，鍾意一個人可以係能屈能伸。」
Chita愛異地戀
Chita坦言由細至大家裏訓示「食不言寢不語」，全家人食飯都是你有你食，我有我食，坦言非常羨慕別人一家融洽地邊食邊傾，她說：「其實食飯應該係開心事，一餐美味嘅飯更加會有幸福嘅感覺。韓國泡菜炒飯入面嘅泡菜就好似拍拖咁，要用時間去浸淫先有結果；至於九層塔炒蝦球配意大利茄汁伊麵，好有異地戀感覺，符合我口味。」
陳貝兒和Chita均希望找到人生理想伴侶，餐餐分享食物，互傾心事，陳貝兒說：「有時見到啲情侶相對無言地食飯，覺得好慘，真係唔希望有咁嘅一日。」
Hair：Ming Liu @ 04 NO.8
Wardrobe：2%
Hair：Nick Lam @ 04 orient 4.com
Make up：Cyrus Lee @ Beauty Tech
Wardrobe：Max&co.
文：影視組 場地：香港大牌檔