黃子華憑電視劇《絕代商驕》角逐台慶萬千星輝頒獎禮「最佳男主角」獎，昨日問他有否信心時，他說：「我都有份咩？唔知喎。（你提名男主角。）我以為做咗添，喜劇唔會有獎㗎。（因為不是親生仔？）唔關事，我以為祥哥（黎耀祥）得咗獎。（睇過佢演出？）幾分鐘已覺得佢好，佢係實至名歸，喺度恭喜佢得獎先，私底下再約佢食飯。」
問到視后看好誰，他稱因未欣賞全部候選人的演出而不便評論，而會否出席頒獎禮則視乎當日有否工作在身。至於會否要求無綫安排其他類型劇集參與，他說：「呢啲唔係佢同我可以話事，係觀眾話事。（拍打片？）咁好多人都話我似甄子丹嘅，都係唔好咁講，佢會唔開心。」
