相隔十五年再推出全新廣東專輯《Queen of Hardships》的劉美君，可謂情場事業兩得意，她與美日混血男友Steven愛得癡纏，Prudence更直言新歌《Baby You're The One》是送給男友，憑歌寄意。

Prudence的新碟中文解釋是「荊棘皇后」，與她過往的情路不謀而合，荊棘滿途，Prudence經歷過兩次婚姻觸礁，但她仍堅強捱過，而且有三個仔女陪她共渡難關，令Prudence深感安慰，溫情滿瀉。

要以身作則

Prudence教仔女心得，有自己一套方法，就是「認衰」，她說：「啲仔女見到媽咪表現好堅強同好叻，搞到佢哋都有包袱，但我同佢哋講媽咪好認得衰，而且我唔係乜都識，我好蠢咋，而且認衰認錯好過死撐﹗」除了說教，Prudence也着重身教，她說：「要以身作則，比如喺超市見到有婆婆跌咗個橙，我會行埋去幫佢執番，細女見到我咁做，就會跟住幫手；又好似環保意識，我會喺平時啲細微動作教導佢哋，佢哋就跟住Follow，完全唔使提點。」

再婚唔重要

雖然細女只得5歲，與兄姐年齡相距甚遠，但兒子對妹妹疼錫有加，令Prudence大感安慰：「我大仔好Gentleman，會照顧兩個妹妹，嗰時我離婚，好多嘢唔開心，但最感動係個仔安慰我，又會攬住我，嗰刻我發現我個仔先係我至愛嘅男人，係咁多年嚟最大嘅achievement（成就）。」

問到會否再婚？Prudence說：「呢個唔重要，因為若然一紙婚書咁緊要，就唔會綁唔住兩段婚姻，結完可以『分』，若果感情穩固，唔需要一紙婚書！」

採訪：German

攝影：李廣成

化妝：Kris

髮型：Gary Sun@Le Salon

服裝：MM6

場地：君悅酒店咖啡廳