在經濟不景氣的情況下，不少模特兒的工作量大大減少，特別是男模特兒更不吃香，鈴木仁亦大受影響。他說：「因為經濟唔好，加上我係日本人，廣東話又唔係咁好，拍戲真係少咗好多。」鈴木仁有次在派對上，重遇在日本時已相識的時裝店老闆，對方在香港開設Sequedge Art & Mode時裝店，邀請鈴木仁擔任時裝顧問，為客人做形象配搭。

CoSTUME NATIONAL小羊皮皮褸$22,400 黑色牛仔褲$4,700	黑色孖襟西裝$10,400 Gene T恤$700 Dulcamara四個骨褲$1,900 CoSTUME NATIONAL鞋$7,000	CoSTUME NATIONAL灰色V領上衣$4,700 牛仔褲$3,900 Boots$8,000

女友信其眼光

鈴木仁說：「呢個工作對我嚟講好創新又有挑戰性，主要係幫客人講解潮流趨勢，幫佢哋做形象配搭，我依家29歲，都想試啲新嘢。我係模特兒，對時裝一向好熟悉又留意，所以好開心可以做到這個工作。」鈴木仁又謂最希望可以到巴黎、米蘭睇騷，了解最新的時裝資訊，他說：「雖然唔可以親身到外國睇騷，但依家資訊咁發達，我會喺網上睇，update新嘢。」

既然身為時裝顧問，問鈴木仁有否幫女友Angela配搭服飾？他直認是女友的形象指導，他說：「我好多時同佢買嘢，成日都會畀意見佢，咁佢都好信得過我眼光，我幫佢揀嘅，佢都覺得幾好，我哋會成日交流服裝心得。」

CoSTUME NATIONAL直條三件頭西裝$16,100 藍底白條恤衫$3,200 皮鞋$5,600

CoSTUME NATIONAL黑色西裝褸　$10,300 西褲　$4,800 黑色V領上衣　$3,600

廣東話有難度

鈴木仁直言視香港為第二個家，他說：「雖然我最後都會返日本，但難得喺香港發展，想攞多啲經驗先，不過廣東話真係好難。（有冇叫Angela教你講廣東話？）有，我識好多單字，簡單及慢慢講都無問題，但有時要上台講嘢，我就會好緊張、好驚，要講得快又無錯都唔容易。（同Angela以廣東話溝通為主？）我哋講英文多，我成日同自己講要用廣東話，但不到一個鐘就放棄，實在太有難度。」

名畫·時裝·藝術

鈴木仁擔任時裝顧問的Sequedge Art & Mode時裝店，老闆是日本人，引入不少歐洲及日本品牌，包括來自意大利的CoSTUME NATIONAL、英國的John Sheep、日本的Dulcamara、Gene，還有自家設計品牌Sequedge Art & Mode，店舖以男裝為主。而老闆一向鍾意收藏名畫，在店內放了不少名畫作為裝飾，充滿藝術氣息。鈴木仁說：「時裝同畫係可以聯想埋一齊，大家都充滿藝術。」

採訪：Jessica Lam

攝影：沈健程