龔嘉欣最近傳「翻撻」關楚耀，早前被拍得同遊沙灘曬太陽，嘉欣沒好氣說：「輯相係我未入行前影嘅，已經係年幾前嘅事，可能我個樣冇乜點變啦！其實當時唔止我哋，仲有其他朋友，只係大班人一齊去玩。」
對於關楚耀搭上台灣豪放美眉Mika，她表示覺得對他日後工作沒有太大影響，她解釋：「大家應該將工作同感情事分開。（最近有冇聯絡？）有，正常朋友聯絡。」
另外，嘉欣最近接演梁材遠監製的新劇，劇中飾演一名十七、八歲的學生妹，她興奮地說：「我第一次拍時裝劇，做郭羨妮（Sonija）個細妹，由乖女仔變到好曳，覺得好有挑戰性。」她直言與一班前輩合作，獲益良多，她說：「家姐Sonija好錫我，鄭則士又教我做戲，成班好似一家人咁，好開心。」
服裝及場地：Fornarina