港姐出身的張嘉兒拍劇經驗不多，之前都只有《女王辦公室》及《摘星之旅》兩劇，但她透露十二月會再有演出機會，現趕緊時機學戲增值自己，嘉兒說：「之前拍嘅角色對白都唔多，今次應該會多番啲，我希望可以有發揮。（有咩角色想演？）冇乜所謂，就算做奸角都冇問題。（緊張？）唔緊張，自己鍾意做戲，好投入。」她表示之前趁有時間，便到演藝學院報讀有關演戲的理論課程，她表示：「我哋會睇戲，然後做分析，都幾得意，不過若然可以有更多實踐就更好，依家最需要嘅係經驗。」
此外，嘉兒除了學演戲，更有學跳舞及耍功夫，她說：「我跟一個中學同學學跆拳、踢腿、前空翻，自己不嬲鍾意動作嘅嘢，亦希望將來拍古裝用得着。」
場地：天與地（諾士佛臺）