英皇舞王陳偉霆（William）前日攜小師妹龔康妮（Coniko）現身萬聖節活動，身為師兄的William，未知是否擔心緋聞女友楊穎（Angelababy）呷醋，眼見Coniko被六個打扮成鬼怪的歌迷嚇破膽，卻未有出手維護，只顧站在一旁狂笑。
關係穩定
William坦言工作繁重，未能抽時間陪伴家人與Baby，但對兩人感情相當淡定說：「我同佢感情一路都係咁，唔會因為咁而改變。」他又透露剛完成兩套電影，轉眼又要投入新角色，更與周慧敏（Vivian）大演調情戲：「今晚開拍許鞍華執導嘅電影，第一日就有調情戲份，但之前試戲嘅時候真係做唔到，Vivian叫我唔好當佢係Vivian，真係好難，女神就係女神嘛，朋友都叫我小心畀人打。」
濕身冷親
Baby昨日抱恙出席手機宣傳活動，巧合William亦曾為該品牌另一型號手機作宣傳，即被主持人取笑，坦言若大會送上兩部同款手機，不介意與William用同款手機，但死口強調並非「情侶號」。此外，剛由橫店拍攝《花田囍事2010》返港的Baby，透露可能因濕身戲着涼，會否擔心傳染William？她撒嬌說：「好耐冇見佢，所以唔會，（冇探班？）梗係冇，咁遠，我知佢都好忙，我哋都冇時間傾電話，身邊有共同朋友都唔怕生疏嘅，（怕傳分手？）我同佢係好朋友，要咁傳都冇辦法，一早預咗。」
文：音樂組