本文重點
「豆沙包」梁梓悠（前名梁懿晴）公開指無綫監製錢國偉（Wilson）逼陪飯局，卻被反指衰懶惰才會被飛，腹背受敵的豆沙包寸爆表示跟Wilson的交情不夠其他天使深，才慘被圍剿！
慘被飛出《美女廚房２》的豆沙包，早前踢爆監製Wilson逼一眾美味天使出席飯局，卻被Wilson指她衰偷懶，而其餘美味天使亦出言指摘好姊妹，慘被圍攻的豆沙包惟有與經理人到銅鑼灣行街減壓。
穿上低胸小背心的豆沙包心情平復不少，與經理人密密斟之餘，又拿起電話細聲講大聲笑。記者上前追問她與Wilson之間的瓜葛，豆沙包起初有點抗拒，但問及是否精神受到困擾時，她終按捺不住說：「我冇諗呢啲嘢，佢哋都唔係我世界嘅人，冇話困唔困擾，不過我講嘅都係事實，佢哋傷害唔到我。」對於被昔日好姊妹圍剿，問她們是否買了Wilson怕？豆沙包則語帶雙關說：「只怪我同佢（Wilson）嘅交情唔夠其他女仔深！」
講出嚟舒服啲
談到會否再與Wilson合作，豆沙包直言：「佢咁憎我，應該唔會喇！」她又強調：「我冇同人講過有人逼我去飯局，我唔知嗰啲係咪飯局，自己一次都冇去過！」而對於被Wilson指開工偷懶，豆沙包表示：「可能係大家對懶嘅定義唔同，我講得出自己會接受後果，只係希望講出嚟會舒服啲。」另外，對於豆沙包的言論，Wilson只說：「冇佢咁好氣。」
文：專案組