鍾楚紅穿上低胸性感長裙，佩戴價值一百二十八萬零二百元的伯爵腕錶，以代言人身份出席護膚品牌的記者會。紅姑表示暫未考慮復出：「邊有人搵吖！幾十歲，有先算啦！（影壇青黃不接喎！）叫我演甘草呀？唔好啦！」紅姑透露現時經常到山區探訪和到外地旅遊，生活健康。
問到有否男士展開追求？她說：「直頭冇！（接受異地情？）我自己好鈍，有人追都唔會知。（有冇心理準備接受另一半？）愛係重要，但唔只限異性嘅，家人同朋友都重要。」有記者問她有否考慮整容，紅姑緊張反問記者：「乜我都要咩？冇諗過，我心目中冇『老』呢個字，係你哋提，唔好成日追住我影就冇乜嘢啦。」另外，問到先夫在峇里的度假村計劃發展如何？她說：「我都冇理，交晒畀公司搞。呢個係老公同我嘅夢想，佢唔喺度，我都唔想再睇番。」