早前鬧不和的尹蓁晞（Yumi）與趙碩之（Wylie）揚言要相親相愛，但兩女於萬聖節各有各玩，更前後腳在同一場地扮女巫，認真耐人尋味！當Wylie得悉Yumi有意升呢做鬼后時，即不屑地：「梗係唔止做鬼后啦！做演員應該咩角色都駕馭到！」火藥味濃。
Yumi與Wylie分別以「小巫」及「大巫」造型迎接萬聖節，雖然她們同樣選擇在海洋公園扮鬼扮馬，但卻於不同日子「踩場」，感覺似是「有你冇我」！Wylie的打扮明顯比Yumi略勝一籌，除了波濤「胸」湧外，任何陰森恐怖的表情都難不倒她，還拿着骷髏骨權杖玩個不亦樂乎。
乜都放入口
相反，Yumi除了身材輸給Wylie外，未知是否太久未有面對鏡頭，感覺未如Wylie般入型入格。不過Yumi面對滿枱「恐怖核突」食物，都夠膽放進嘴裏，並無半點恐懼之色，令人佩服。
事後Yumi自稱愛看恐怖、核突、變態的電影及漫畫，即使將來擇偶，也希望對方有同樣的嗜好。她說：「我連老鼠、蜥蜴都唔驚，總之核突嘢嚇唔到我。」Yumi又揚言希望能像李心潔般成為鬼后：「我好有信心拍鬼片可以成功，哈哈！」
兩女爭大膽
當Wylie得悉Yumi有意升呢做鬼后時，即不屑地表示：「我梗係唔止要做鬼后啦！做演員應該咩角色都駕馭到！」Wylie又自稱膽量不比Yumi小，無論鬼屋或機動遊戲都未驚過。問到會否約Yumi慶祝萬聖節時，Wylie說：「佢仲未正式復出，要玩都留喺屋企玩。我可能會約朋友去蘭桂坊感受熱鬧氣氛嘅！」
對於Wylie與Yumi沒有相約齊齊扮鬼應節，她們的經理人Angus解釋：「分開影方便照顧，你哋唔好揣測咁多啦！Wylie都不知幾關心Yumi，成日都有慰問佢。」
文：影視組