霆鋒為慶祝老婆張栢芝懷龍鳳胎滿三個月，前晚帶同囝囝Lucas，相約好友伍允龍等到君悅酒店歎日本菜。約九時半霆鋒抱着Lucas，與臉頰略帶浮腫的栢芝十指緊扣步出，栢芝全程低着頭粒聲唔出，並刻意拿着囝囝的背囊遮肚，到上車後仍將背囊放在大腿上，就算Lucas扭計要抱抱，栢芝都不為所動，免得動胎氣。
另一邊廂，拉姑就跟鬍鬚Kong及謝婷婷等在福臨門晚膳。離開時，問栢芝是否懷龍鳳胎？拉姑封嘴冇答，但當記者祝福她快將再抱孫時，她即笑住拍拍自己的肚子說：「你冇聽過我有咗咩？」對於霆鋒跟栢芝外出食飯慶祝再有喜，她只說「唔該晒」便上車離開。
