亞洲小姐候選佳麗昨日以泳裝見評判，大會禁止佳麗用Nude Bra「裝假狗」，就連經常「缽仔糕」不離身的(2)王希瑤也解除「武裝」，她笑說：「咪咪要休息吓。」而曾暗寸王希瑤用兩個Nude Bra的(18)劉伊心卻「打茅波」違規谷胸搶分。
《2009亞洲小姐競選總決賽》十二位候選佳麗，昨日在荃灣某酒店以三點式泳裝見評判，經常用「缽仔糕」托出「警鐘胸」的(2)王希瑤昨日將「假狗」拆除，未用Nude Bra下，上圍明顯降cup，她笑說：「咪咪要休息吓，唔覺得輸蝕，畀其他人多啲機會囉。咪咪都攰喇，要畀時間佢休息吓，可能決賽唔使戴Nude Bra呢，依家沖涼都會按摩豐胸。」
暗指造假
身材時大時細的王希瑤對其「變幻球」有另一番解說：「真嘅先可以有變化，假嘅就唔得。」王希瑤的意思是否暗指其他身材豐滿的佳麗「造假」呢？她則說：「人哋自然先咁大。」
曾暗寸王希瑤戴兩個Nude Bra的(18)劉伊心，本身已經擁有「導彈」身材，但見評判關鍵時刻，竟犯禁用Nude Bra「谷胸」搶分，她接受訪問時解釋說：「我唔知唔可以用Nude Bra，今次都係第一次用，會同其他麗佳say sorry﹗」
啞口無言
既然向來沒用Nude Bra，問劉伊心是否怕「執輸」，要「裝假狗」見評判？她尷尬地說：「不知道，其實戴不戴效果都差不多。」為甚麼要戴呢？劉伊心即啞口無言。
昨日穿泳裝時身材十分「凸出」的(10)王晨透露沒有用Nude Bra，她說：「其實泳衣都唔係次次啱身，下次會調校得好啲，唔希望太過暴露。」
採訪：影視組 攝影：林楠