事後，她坦言最近忙於工作無暇陪男友，但對方亦冇投訴，問她為何不叫男友到活動現場打氣？Ella即錫住男友，擔心對方不習慣成為焦點，但笑言：「萬聖節咪得囉，佢扮咗鬼咪見唔到佢囉！」她又表示要將手蠟送贈男友，讓對方見手如見其人：「我唔喺度，佢都可以拖住隻手當係我嘛，如果可以我想整埋塊面添！」

封嘴恐惹誤會

Ella透露近日聲沙沙，有失聲的先兆：「平時我好鍾意講嘢，依家都要少說話多做事，但又驚人誤會我有少少成績就唔睬人，其實我講到筋竭力疲咋。」她甜絲絲指男友每晚都提她按時食藥，勁晒幸福！

另外，她與莊思敏出席「The Body Shop Love Etc青年設計展覽」活動時透露，早前獲業餘玄學家贈言：「佢話我要向愛嘅方向出發，我覺得好啱，因為我參賽嗰首歌都係講愛。」

採訪：音樂組