本文重點
前晚英皇新人鄭家維、洪杰及公司一班工作人員結伴出席泳兒生日派對，泳兒抵達卡啦OK被問到生日願望時表示：「希望開開心心！」適逢卡啦OK有萬聖節活動，大班「嘩鬼」紛紛走入房為泳兒慶祝，百無禁忌的泳兒興奮表示：「OK嘅，只係人扮啫，又唔係真，不過佢哋真係扮得好似！」泳兒自爆當晚破例喝酒，可惜酒量不佳以致喝醉：「我模糊中記得自己揸住支咪企喺梳化上跳，又喊又笑，所以今朝起身對眼腫晒！」
自爆有仔追
派對上泳兒情緒高漲地與同事合唱情歌又扮拍MV，她更與經理人Mani大跳辣身舞，期間忽然有一名陌生型男手持鮮花送給泳兒，令眾人十分驚訝，以為是泳兒男友，泳兒即開腔說：「佢係我化妝師Alvin，又係我小學嘅師兄，大家唔好誤會！」
泳兒透露今年收到耳環、頸巾、戒指、水晶及一把粉紅色雨傘等生日禮物，泳兒表示粉紅色旺其桃花及事業，所以身上有不少粉紅色物品，問她現時有沒有男性追求？她表示：「今年有！（桃花陣好勁？）都OK㗎，但想搵個好夾自己嘅先拍拖！」
文：音樂組