《澳門小姐2009》昨日十位佳麗進行泳裝總綵排，一眾佳麗即席互選「友誼小姐」，結果由(8)李雪娜當選。大會公布(3)張綺敏上圍達36吋，但現場所見，其身材極其量只得33吋，似有篤數之嫌。張綺敏為此解釋：「身材係初賽時量度，最近瘦咗五磅，瘦咗喺個胸度，但都冇唔開心，因為選美唔止睇身材，我都有信心。」
有讀者報料(7)朱一丹家底厚，曾任職銀行的她被指為人懶散。朱一丹對此說：「唔怕因家底厚而被指造馬。（係咪懶散？）每個人做嘢都有自己嘅方式。」另外，朱一丹與「友誼小姐」李雪娜分屬好友，但當李雪娜奪獎時卻發現避開朱一丹的吻賀，朱一丹說：「你哋睇錯，我哋咁好朋友。」
