側田前晚被本報拍得光頭新look後，多位老友均表支持並大讚可愛。據知今晚他將首次以光頭造型亮相節目，昨日他赴澳門綵排《澳門小姐2009》時，終於可以光「頭」正大地出入境，正式告別人帽合一歲月。
側田前晚在雷頌德錄音室完成錄音後，返回貝沙灣寓所休息。昨日中午十二時在女助手陪同下，現身港澳碼頭啟程前往澳門。沒有戴帽但戴了黑超的側田，見到記者時自稱：「估唔到我唔戴帽都有人認得！」比起昔日過關時要將帽子又除又戴，昨日的側田面露自信笑容，光明正大地掂行掂過，恍如重過新生。
崔建邦想摸摸
雖然側田昨日專心綵排，未有現身記者會，但多位老友均對他的光頭look十分支持。方力申、崔建邦及陳倩揚昨日亦有出席《澳門小姐2009》活動，方力申說：「側田光頭look幾可愛吖！多啲變化，大家唔使再留意佢髮型。（佢剃頭為咗上法庭？）唔清楚，可能為咗自己舒服，唔理佢光頭定戴帽，係朋友一定支持佢。」
至於崔建邦自稱想摸摸側田的光頭，他說：「好想快啲見到側田，想摸吓佢個光頭。佢冇提過要剃頭，但我以前見過佢除帽look，同佢光頭look分別不大，佢肯光頭都好大突破！我諗佢剃光頭應該同上庭冇關係。」
擔心搶澳姐鏡
另外，澳姐監製錢國偉亦指側田光頭搶鏡，他說：「側田負責opening帶女仔出場，服飾佢自己安排，用乜look唔使交代。我冇聽過佢要光頭出場，佢光頭look示人可能會搶咗啲女仔鏡。」
文：影視組