何韻詩昨日到電台接受查小欣主持的《巴巴閉邊個夠我查篤撐》訪問，阿詩自爆完成個唱後隨即進入「沉思」狀態，希望將心理及身理重新整理過來：「我性格唔適合呢個圈，太對衡，又配合唔到呢個圈嘅運作，雖然一路都磨合緊，但我嘅性格冇變，呢個圈亦一直都冇變，變成永遠抗衡！」
問阿詩是否有所暗示會暫別樂壇？她表示：「我想沉澱吓，睇吓用咩形式再去運作！」阿詩透露有歌迷擔心她不再唱歌，但她向歌迷大派定心丸：「我又唔會唔唱，只係搵一個新嘅定位！」至於好友容祖兒是否知道其想法？阿詩坦言：「佢知，我send晒短訊畀我啲好朋友，佢都支持我嘅！」
