阿Sa前晚現身中環為新碟《Another Me》相展剪綵，經理人霍汶希、好友鍾欣桐（阿嬌）及Eric Kwok到場支持。現場展出阿Sa在攝影師Paul Tsang操刀的四十張相片，其中包括她大露背及「微波」乍現的性感型格照，令人眼前一亮。

阿Sa拍照時真空上陣，微波乍現。

阿Sa的大露背相片，令人驚喜十足。

真空上陣

對於微波乍現，阿Sa說：「我不嬲都有呀，只係平時唔鍾意拎出嚟同大家Say Hi之嘛，（特別勁？）好多相都係郁住影，所以會有動彈嘅感覺，（谷胸上陣？）冇喎，真空上陣，要戴缽仔糕！」

問到男友鄭中基有否過目，阿Sa笑言：「個個都覺得好靚，（佢睇咗未？）總之個個都話靚啦，（唔准你性感？）冇喎，因為我都唔係成日畀『佢哋』出嚟！」

相片義賣

阿Sa表示今次特別推出相集Boxset售賣作慈善用途，亦有意將展覽的相片公開拍賣，當記者建議叫男友「認頭」時，阿Sa爽快答「好」，似乎她的甜到漏笑容就代表正式默認「Sa基戀」。

對於Twins重組計劃，阿Sa說：「隨緣啦，等一個好時機，阿嬌今年會錄個人大碟，又拍電影，所以未必短期內搞掂！」另外，阿嬌昨日現身中環Salon整頭，完成後由兩個助手陪同下離開。

採訪：音樂組