王秀琳（Mango）日前高調表態想約郭富城食飯賀生日，「攻城身退」後未被確認地位的熊黛林（Lynn）前晚聞Mango即時發惡，隔空向Mango反擊：「我唔識佢，唔想浪貴時間喺無謂事上面！」罵戰如箭在弦，隨時一觸即發！
前晚Lynn應邀出席Ermenegildo Zegna全球專賣店開幕活動，同場還包括內地藝人鄧超、名模Ana R.、Lisa S.以及Jocelyn等。一到場即被記者包圍的Lynn，聞Mango約城城食飯慶祝生日時，即變臉起弶兼發惡，以牙還牙暗寸Mango：「真係唔識佢，佢嘅嘢唔好再問我，我冇興趣知道，唔該晒！」被問到是否不想與Mango名字扯在一起而降呢，Lynn繼續暗踩：「我唔想浪費時間喺無謂事上面！嚟緊要忙拍戲！」隔空向Mango開火！
生日自己安排
相反，當Lynn回應有指城城以兩萬元包起她的泰國之旅時，她就顯得相當鵪鶉，既不承認又不否認，更反問：「邊度聽返嚟，唔好聽唔好信，我自己嘅生日，全部都係我自己安排！」被問到是否自己埋單，她說：「計劃全部都係我自己嘅，唔需要澄清！」至於被指收城城家用去shopping，她就強調一向用自己賺嘅血汗錢。被問到會否約城城過生日，她說：「你哋都知佢要拍戲，我唔想影響佢嘅工作。」
淡然拒作回應
應邀到上海出席今晚舉行之網球活動的Mango，對熊黛林聽到她的名字就嬲爆發惡，身在上海的她在電話中淡然說：「我冇回應，唔想再多講。」
另外，同場的鄧超表示專程來港兩天，隨即將趕返南昌出席電影頒獎活動，他說：「明年五月有電影喺香港上映，希望可以多啲機會嚟香港發展。」
文：名人組