對於今屆候選亞姐慘遭大會提供的「出事」泳衣整蠱，也是亞姐出身的陳煒亦感同身受，直言當年參選時亦穿過單薄泳衣的她，忍不住先後兩次直指泳衣「薄咗啲」，煒哥說：「今日啲泳衣係薄咗啲，顏色同cutting（剪裁）都幾靚，不過薄咗啲。」遇上此等尷尬情況，煒哥亦說實在難以自救：「都係帶條肉色T-back打底㗎咋，其他都係大會提供，惟有交個身體畀佢哋。」
同樣身為評判的名模Ana R.，事後透過助手回應說：「我覺得唔係太好儀態，可能個文化唔同啦。」Ana R. 更直指若是專業模特兒，無論穿泳衣或內衣都不會發生類似情況，似暗寸亞姐們未夠專業。
