《2009亞洲小姐競選》昨日大會安排十九位候選佳麗初會評判團，分別以便服和泳裝出現，便服環節未見突出，不過，當一眾佳麗換上由大會提供紅色和橙色兩款泳衣出現時，即令全場大表「意外」！首位出場的(1)莫曉菲已見下體現形，礙於橙色泳衣質料較薄，(4)戴瑞姍、(8)張加慧和(14)何卿亦分別「現形」及透護墊。
透護墊慘叫
上月候選亞姐以黑、白兩款泳衣見傳媒已有「中招」前科，對於今次又再出事，戴瑞姍說：「其實臨出場前已經知，掹極都掹唔到，我已經着多條內褲。（會唔會唔開心？）一定會唔開心，下次再着會小心啲，可能我自己偏瘦，撐唔起條褲。」
至於透出護墊的何卿，起初未知情況嚴重時說：「透視仲好睇呀！」當得知現形時，即大感詫異說：「吓，透護墊？好慘呀！」坦言知道今日泳裝料薄已經非常擔心，加上自己沒有帶打底T-back，惟有剪細另一條內褲打底「自救」，故相信大家看見的只是打底褲，何卿又表示上台後只好靠甫士遮掩自救：「上台後時間好難捱，不過都係自己失誤，下次應帶一袋打底褲放喺服裝間。」
態勇夠堅挺
對於泳衣質料令佳麗出醜，大會公關表示泳衣由供應商提供，每個場合款式都不一樣，昨日的橙、紅款式將不會在正式競選時登場，屆時工作人員會更小心檢查清楚。
至於連日生病的(2)王希瑤的「警鐘胸」未見縮水，依然「堅挺不倒」非常搶鏡，她說：「仲有五支針未打，上圍冇縮水因為我有戴Nude Bra，可能瘦咗喺其他地方。」而「比堅尼女王」(18)劉伊心繼續狀態大勇。上圍同樣有睇頭的(3)林紫君，昨日明顯跌watt，全程笑容欠奉，她說因為生理期未過，問到會否擔心影響評判對其印象，她說：「呢幾日辛苦啲，食藥都冇用，不過好快冇事，多謝大家關心。」
大會昨日公布準決賽評判名單，包括首席評判立法會議員張宇人、香港律師會會長王桂壎、名媛趙曾學韞、陳煒、鮑起靜、名模Ana R. 及飲食界名人楊貫一，至於大會司儀將由鄭丹瑞夥拍林韋辰及袁文傑出任。
文：影視組