鄭融：聽到都覺得好愕然，如果發生喺我身上一定會好唔開心同嚇親，要抖番幾日，其實不嬲出席公開活動都會小心，但呢啲事真係預計唔到，（疑被胸襲後更加留意？）都會嘅。

官恩娜：希望每個人都尊重番其他人，有權鍾唔鍾意任何一個藝人，但唔應該做一啲傷害他人嘅事，周圍都發生過咁多事同意外，大家都小心咗好多，（狼吻事件後更小心？）呢件事大家唔提，其實都唔記得，冇特別因為咁去驚，公司安排我出席活動都會同主辦單位溝通好，好相信公司及同事。