草蜢日前去了北京、天津宣傳巡迴演唱會，他們將於下月20日在北京演出，而22日則飛抵天津再開騷。日前草蜢亮相電視台節目，被邀下廚即場整幾味，大騷廚藝，蔡一傑和蔡一智見大會準備了番茄、蛋及蝦做材料，故傑仔炮製了番茄炒蛋，而阿智就較高難度，煮了一碟辣椒蝦，當嘉賓及觀眾試食時，無不豎起手指大讚好味。
蔡一傑自言和兄長蔡一智自十多歲開始獨立自住，故一早訓練出好廚藝，尤其傑仔對美食相當高要求，不會隨便將食物放入口，他說：「我有條『皇帝脷』，好嘴刁，我一試就知係咪落唔夠調味料。」至於阿智就話天生愛「煮飯仔」，故結婚以來，都是由他當大廚，太太可以安心等食。
問傑仔可有興趣開私房菜顯示廚藝？他說：「都好喎，都係好提議，我會考慮吓。」