模特兒傅嘉莉（Kelly）和Kama（羅凱珊）最近經常為模特兒學校出席宣傳活動，曝光率大增的Kelly決定急起直追，更頻頻到日本接Job拍廣告，誓要與攻日成功的Angelababy（楊穎）一爭長短！
Kelly和Kama最近同為Elite Modeling School擔任Image Girl，問到她對Kama印象時，她說：「知同佢一齊做代言都好開心，以前都曾經一齊做過嘢，佢係可愛青春嗰類型，而我自己就適合High Fashion路線。」
各有所長
Kelly又表示最近多了到日本工作的機會，她說：「我依家都成日去日本做嘢，拍咗好多廣告，同咗好多日本雜誌影相，日本人做事嘅手法真係好專業，我學到好多嘢，（想同Angelababy爭奪日本市場？）可能我同佢個樣都有少少Mix，日本人比較Buy，所以大家都有好多工作機會，佢可能影Fashion方面較多，我就主要係Make Up、Skin Care，所以各有所長啦！」
學懂發揮
圈中多位女藝人都是由模特兒出身，但原來Kelly卻是剛好相反，由藝人轉型成為模特兒，18歲時便有機會參與電影《無間道2》及青春劇《當四葉草碰上劍尖時》，問到她會否覺得自己走回頭路時，她說：「又唔會，因為呢三年雖然係少咗機會拍電影，但係做模特兒期間我都學咗好多嘢，好似以前係公司幫我搵Job，不過依家做Model就要自己爭取個Job番嚟，令到我反而更加識得表現自己，機會好多時都係得一個，我依家係Ready隨時接受挑戰！」
文：專案組 攝：秦健輝