有「翻版唐詩詠」之稱的o靚模曹卓榣（Cc），早前為亞視賽馬節目拍攝宣傳短片，佩戴了多款靚帽示人，顯得非常陶醉，她說：「好開心可以試到咁多唔同款式嘅靚帽，我最鍾意黑色鑲滿石閃令令嗰頂，好靚、好有型，戴帽可以襯衫，又可以慳番set頭時間，女仔點都要有幾頂帽喺屋企看門口。今次工作之餘，有得順道物色心水靚帽，可以話寓工作於fitting。」
至於問到對賽馬活動可有興趣？Cc謂︰「我對騎馬好有興趣，好想學騎馬，因為將來拍戲、拍劇可能會用得上，好欣賞啲畫家將馬匹奔跑衝刺畫成《百駿圖》，又有形又有神，有機會都想現實中可以親歷其境。」
