漫畫家林祥焜曾與多位藝人及o靚模合作，由05年起，他更為本地品牌2%旗下ODF少女線畫插畫。在歷代ODF的代言人中，由女子組合Krusty到「o靚界女神」Janice Man及Angelababy，再到今年的上位o靚模Anjaylia同Evelyn，每位都啟發到林祥焜莫大靈感，其中他表示最難忘是與兩位「女神」合作，他說︰「佢哋兩個好標致，樣亦有啲似，當成功畫咗出嚟真係最滿意，好有成功感！」林祥焜更大讚Janice Man健談，且非常有性格。

性格柔和

在09年新作中，林祥焜展示了最新Anjaylia與Evelyn的漫畫，雖然她們同樣以孖女上陣，但林祥焜表示她們的性格剛好相反，他直說：「咪睇Anjaylia好似好柔弱，其實佢好堅強，係個好硬朗嘅女仔，而Evelyn性格就好女仔，柔和啲，兩個一齊竟然可以擦出好好嘅火花，感覺非常新鮮。」

到場力撐

在今次的展覽會中，Evelyn亦有到場力撐他，更謂在合作之前已欣賞過對方作品，她說：「之前喺雜誌都有留意過佢嘅作品，好欣賞佢好有個人風格，而且當知道佢會畫我時好開心，畫得我好清純。」就讀時裝設計的Evelyn閒時亦有自己畫畫，而且興趣是從小學培養，笑說︰「細個最鍾意將課本上嘅公仔『加工』，仲畫到成本書都花晒！」

文︰專案組 攝︰唐豁莊