樂隊Dear Jane其中三位成員包括Jackal、Howie和Tim，日前應邀出席吳日言（Yan）和歐陽靖主持的《Cooking媽嫲》節目。三位成員平時拎樂器時有型有款，但拿起廚具時亦毫不輸蝕，他們合力炮製「迪亞珍海陸空雜炒王」菜式，惟Tim落調味料時，卻加多了鹽和豉油，Yan忍不住大喝倒采，還擺出拇指向下手勢，取笑他們水皮，更抵死地問：「啲帶子同雞肉係咪真係熟㗎？」煮餸期間，Dear Jane還和歐陽靖Jam歌，場面惹笑。
事後Yan膽戰心驚試食三子手勢，竟吃得津津有味，並笑稱：「啲帶子同雞肉又真係熟喎，而且唔覺得太鹹。」
Tim表示最拿手炮製煎鵝肝，就連緋聞女友楊洛婷也大讚好食；Jackal坦承不懂下廚，亦大彈母親廚藝一般，不過媽咪煲湯就一流。