擁有34D驕人身材的樂壇新人謝依穎（Enya），練得一身鋼管舞功，被網友封「翻版蔡依林」。原來Enya家裏本身是做農務生意，她說：「我屋企種花賣花，專賣劍蘭，農曆新年都喺花市開檔，嚴格嚟講我係農夫！」由農夫變身歌手，Enya笑言從未想過：「一切由『鋼管舞』開始。兩年前偶然機會接觸呢種舞，一玩難忘，之後向著名波蘭女老師拜師，現已考取證書係老師。我本身好鍾意唱歌，經朋友介紹試音，年初轉行做全職歌手。」她透露為了出唱片，擱置辦校授徒計劃。
Enya坦言學鋼管舞期間曾遭誤解「唔正經」，幸好最近胡定欣、沈卓盈和陳法拉在電視劇中都有跳鋼管舞情節，漸漸變得大眾化。
場地：Groove Dance Fitness
化妝：Annie Chan