獲校長力撐的Mr.，只要聽他們細說音樂，就知道他們的熱誠有多大，他們謂：「《If I am》呢隻碟由音樂到歌詞，全部都要我哋五個人通過先得。一般歌手可以用三個月造一隻碟，我哋要用多一倍時間，試過為首歌詞花咗四個月時間，好在公司明白我哋。」

歌聲似Eason

Mr.指新碟命名《If I am》有特別意思，Dash謂：「好多人話你知唔知『If I am』嘅英文文法係錯，應該係『If I were』，但係我哋就覺得，如果用『Were』即係冇得改變，我哋就係想話畀人知係有得改變，好似我哋咁有好多可能性，冇人估到Mr.可以生存喺主流樂壇。」而就像唱到街知巷聞的《如果我是陳奕迅》，主唱Alan說：「好多人都話我把聲似Eason，Dash就話不如用呢個題材去寫首歌。」

有得做開心

Mr.認為世界的人和事都會不斷改變，雖然聽起來很像很灰很無奈，但充滿正能量的Mr.覺得不需要因此不快樂：「當年Beyond辛苦過我哋好多倍啦，我哋會繼續做Mr.鍾意嘅音樂，有得做已經好開心。」

文：音樂組

攝：黎志輝